Allgemeng Benotzungsbedéngungen

Allgemeng Benotzungsbedéngungen (ABB) Websäit

Persounen, déi Informatiounen, Dokumenter, Produiten, Softwareprogrammer an eenzel Servicer (allgemeng d „Servicer“) vun dëser Websäit benotzen, huelen domat dës allgemeng Benotzungsbedéngunge mat all hire Bestëmmungen zur Kenntnis a stëmmen hinnen zou.

„UCClervaux“ bezeechent d'Union Commerciale et Artisanale de la Commune de Clervaux asbl. An hir Memberen, déi eleng oder zesumme mat aneren fir dës Websäit (shopping-clervaux.lu, shopping-clervaux.com, shopingclervaux.com) responsabel ass.

Flichte vum Benotzer

Den Zougang op d'Websäit geschitt iwwer den Internet. De Benotzer erkläert, datt hien déi domat verbonne Risike kennt an acceptéiert. Hie muss sech géint Cyberkriminalitéit schützen, andeems hien eng gëeegent a sécher Computerkonfiguratioun wielt.

D'UCClervaux kann net fir Schied haftbar gemaach ginn, déi de Benotzer mëttelbar oder direkt am Zesummenhang mat senger Navigatioun op dësem Portal an der Benotzung vun hire Servicer souwéi de Säiten, op déi verwisen gëtt, erleide sollt.

D'Benotzung vun der Websäit ass gratis.

Verwaltung vun de Cookien

Dëse Portal benotzt Cookien, d. h. kleng Textdateie fir d'Analyse vun Informatiounen iwwer d'Navigatioun vum Benotzer (Heefegkeet vun de Visitten, Dauer vun de Visitten, opgeruff Säiten asw.).

Si gi vum Portal an en dofir virgesinne Verzeechnes um Computer vum Benotzer ofgeluecht. Si enthalen den Numm vum Server, deen se erstallt huet, eng Kennung a Form vun enger eenzegaarteger Nummer an en Verfallsdatum. Déi eenzegaarteg Kennung erméiglecht der Internetsäit, de Computer vum Benotzer bei all Visitte nees z'erkennen. Sessiouns-Cookie gi vum Computer vum Benotzer geläscht, wann d'Sessioun eriwwer ass. Permanent Cookien bleiwen dogéint ee Mount no Ofschloss vun der Sessioun um Computer vum Benotzer.

De Benotzer kann selwer entscheeden, ob de Webserver vun dëser Internetsäit berechtegt ass oder net, Cookien op sengem Computer ze späicheren. Hien huet zu all Moment d'Wiel, d'Astellunge vu sengem Browser esou unzepassen, datt Cookien net acceptéiert oder gespäichert ginn. Ausserdeem kann hien och schonn gespäichert Cookien a sengem Browser zu all Moment läschen (kuckt Cookie-Richtlinnen).

D'Benotzung vu bestëmmte Funktioune vun der Websäit kann ageschränkt oder desaktivéiert ginn, wann de Benotzer d'Cookië vun der Internetsäit net zouloosst. Dem Benotzer gëtt dofir recommandéiert, säi Browser esou anzestellen, datt d'Cookië vun der Internetsäit acceptéiert ginn.

Ännerunge vun der Websäit

D'UCClervaux behält sech d'Recht vir, wéinst Ënnerhaltsaarbechten, Aktualiséierungsmoossnamen oder aus anere valabele Grënn ouni Ukënnegung Weiderentwécklungen, Ännerungen oder Ënnerbriechunge vun der Websäit virzehuelen.

D'UCClervaux kann besonnesch bestoend Informatiounen a Servicer vun der Websäit zu all Moment ganz oder deelweis ewechhuelen, derbäisetzen, ergänzen oder präziséieren. Schied am direkten oder indirekte Zesummenhang mat dësen Ännerunge begrënnen keng Uspréch géintiwwer der UCClervaux.

Allgemeng Haftungsbeschränkungen

D'UCClervaux garantéiert déi gréisstméiglech Disponibilitéit vun dëser Websäit. Trotzdem kann hien am Fall vun enger temporärer oder kompletter Net-Disponibilitéit vun der Websäit net haftbar gemaach ginn.

D'UCClervaux garantéiert no beschtem Wëssen a Gewësse d'Sécherheet vum Datesystem. Trotzdem kann hien am Fall vun enger temporärer oder kompletter Net-Disponibilitéit vun der Websäit net haftbar gemaach ginn.

D'UCClervaux garantéiert no beschtem Wëssen d'Richtegkeet vun den op der Websäit enthale Informatiounen, déi an de soziale Netzwierker verëffentlecht ginn. Trotzdem kann hien net haftbar gemaach ginn am Fall vun enger net erfollegter Aktualiséierung vun Informatiounen oder Formulairen, am Fall vun Uwendungsfeeler am System oder an der Codéierung, am Fall vun Ongenauegkeeten oder Lücken an den zur Verfügung gestallten Informatiounen oder méiglechen Iertemer bzw. Feeler. Och wann d'Zil doran besteet, richteg an aktuell Informatiounen aus verschiddene Quelle ze verbreeden, kann d'UCClervaux awer net all Risiko vun engem sachlechen Iertum ausschléissen. Keng vun den op dëser Websäit verëffentlechten Informatiounen erhebt den Usproch op Vollstännegkeet oder stellt eng rechtlech Verflichtung vun der UCClervaux duer. Déi allgemeng verständlech Duerstellungen an Iwwersetzungen hunn nëmmen informativen Charakter.

Haftungsbeschränkung vun der Websäit

D'Haftung vun dëser Websäit gëtt ausdrécklech fir all direkt an indirekt Konsequenzen ausgeschloss, déi aus de folgende Sachverhalter resultéieren:

• mangelnd Kompatibilitéit tëscht dem ugebuede Service an der Ausrüstung, den Uwendungen, Prozeduren oder Infrastrukture vum Benotzer oder Drëtten;

• Sécherheetslücken, déi op de Benotzer oder en Drëtten zeréckzeféieren sinn, an allgemeng all Sécherheetslücken, déi net direkt dëser Websäit ugelaascht kënne ginn;

• Feeler an/oder Bedruch vum Benotzer oder engem Drëtten;

• méiglech Net-Disponibilitéit oder Feelfunktion vun den elektronesche Systemer oder Kommunikatiounsnetzer.

Linken op aner Internetsäiten

Dës Websäit kann Linken op aner Internetsäiten enthalen, déi fir Benotzer nëtzlech oder interessant kënne sinn. D'UCClervaux mécht keng systematesch Kontroll vum Inhalt vun dësen Internetsäiten. Si kënnen dowéinst net fir Inhalter vun dësen Internetsäiten haftbar gemaach ginn, weder wat hir Rechtméissegkeet ugeet nach wat d'Richtegkeet vun den do uginnene Informatiounen ugeet.

Geeschtegt Eegentum

D'Internetsäit, all hir Komponente (och de Layout) souwéi d'Informatiounen an d'Servicer sinn duerch d'Gesetzer zum Schutz vum geeschtegen Eegentum an dem Copyright geschützt.

Ënner Virbehalt vu géigenteilege Angaben gëtt d'UCClervaux keng Lizenz oder Genehmegung a Bezuch op d'Rechter vum geeschtegen Eegentum, déi hien un dëser Internetsäit, hire Komponente oder Servicer huet.

Wann net anescht uginn ass de Benotzer berechtegt, ouni virege Ufro all Textdokumenter anzekucken, erofzelueden oder ze drécken.

Wann net anescht uginn ass d'Reproduktioun vun aneren Inhalter (Fotoen, Videoen, Audio-Dateien, digital Animatiounen, Grafiken, asw.) mat Angab vun der Quell erlaabt. Dës Inhalter däerfen ënner kengen Ëmstänn géint Entgelt verkaaft oder verlount ginn. All vollstänneg oder deelweis Ännerung, Transformatioun oder Upassung vun de genannte Inhalter ass verbueden. Benotzer, déi d'Inhalter vun dësem Portal vervielfältegen, verflichte sech, dat mat Respekt virun der Mënschewierd an der Persoun ze maachen.

Ënner Virbehalt vun der ausdrécklecher Genehmegung vum Herausgeber ass déi vollstänneg oder deelweis Integratioun vun der Websäit an en anere Portal oder eng Internetsäit verbueden.

D'Rechter, déi Iech uewen implizit oder ausdrécklech zougestane goufen, stellen eng Benotzungsgenehmegung duer an op kee Fall d'Iwwerdroung vu Rechter, Eegentum oder soss eppes am Zesummenhang mat dëser Websäit.

Ännerung vun den allgemenge Benotzungsbedéngungen

Dës allgemeng Benotzungsbedéngunge kënnen zu all Moment an ouni Ukënnegung wéinst Ännerunge vun der Websäit, der Gesetzgebung oder aus anere valabele Grënn geännert oder ergänzt ginn. Et ass d'Aufgab vum Benotzer, sech iwwer d'allgemeng Benotzungsbedéngunge vun der Websäit z'informéieren, woufir nëmmen déi jeeweils aktualiséiert Online-Versioun gëlteg ass. Et ass gutt méiglech, datt d'allgemeng Benotzungsbedéngungen tëscht zwou Benotzunge vum Portal geännert ginn. Dofir muss de Benotzer se virun all neier Benotzung genee liesen.

Uwendbart Recht a zoustänneg Geriichtsbarkeet

Sträitfäll am Zesummenhang mat dëser Websäit ënnerleien dem lëtzebuergesche Recht a falen exklusiv an d'Zoustännegkeet vun de Geriichter vum Groussherzogtum Lëtzebuerg.

Schutz vu perséinlechen Donnéeën

Allgemenges

Déi vum Benotzer iwwermëttelt perséinlech Donnéeë gi konform mat der Veruerdnung (EU) 2016/679 vum Europäesche Parlament an dem Rot vum 27. Abrëll 2016 zum Schutz vun natierleche Persoune bei der Veraarbechtung vu perséinlechen Donnéeën an zum fräie Dateverkéier veraarbecht.

D'UCClervaux sammelt keng perséinlech Donnéeën, ausser IP-Adressen an de Serverprotokoller, déi aus Sécherheetsgrënn erhuewe ginn. D'Zoustëmmung vum Benotzer virum Besuch vun dësem Portal ass net néideg. Déi zousätzlech gesammelt Donnéeën wéi d'E-Mail-Adress vum Benotzer gi just mat senger ausdrécklecher Genehmegung fir d'Weiderleedung vun ugefrote Informatioune benotzt a ginn a kenge Fall u Drëtter weiderginn. De Benotzer kann zu all Moment per E-Mail seng Donnéeë läsche loossen.

Responsabel fir dës Veraarbechtunge ass fir dës Websäit d'UCClervaux.

De Benotzer kann eng Reklamatioun am Bezuch op de Schutz vu sengen Donnéeën iwwer déi jeeweils zur Verfügung gestallte Kommunikatiounskanäl souwéi beim Responsabele vun der Websäit areechen. De Benotzer kann zousätzlech eng Reklamatioun beim Dateschutzbeoptraagte vun der Autoritéit oder enger anerer Stell areechen, an zwar per E-Mail un déi folgend Adress: dataprotection@sip.etat.lu. De Benotzer kann sech ausserdeem bei all Zort vu Sträitfäll an dësem Beräich un d' National Kommissioun fir den Dateschutz wenden (Commission nationale pour la protection des données mat Sëtz zu 1, Avenue du Rock’n’Roll, L-4361 Esch-sur-Alzette).

Kontaktformulaire

Är am Kontaktformulaire uginn Informatioune gi vun der UCClervaux veraarbecht, fir datt Är Ufro erfollegräich ofgeschloss ka ginn.

Wann Dir Äre Prozess weiderféiert, akzeptéiert Dir domat, datt Är perséinlech Donnéeën am Kader vun Ärer Ufro veraarbecht ginn. Dës Informatioune gi vun der UCClervaux fir déi fir d'Veraarbechtung néideg Dauer gespäichert.

Geméiss der Veruerdnung (EU) 2016/679 zum Schutz vun natierleche Persoune bei der Veraarbechtung vu perséinlechen Donnéeën an zum fräie Dateverkéier hutt Dir d'Recht op Zougang, Berichtegung an, wann néideg, Läschung vun Äre perséinlechen Informatiounen. Dir hutt och d'Recht, Är ginn Zoustëmmung zu all Moment zréckzezéien.

Ausserdeem kënnt Dir, ausser a Fäll, an deenen d'Veraarbechtung vun Ären Donnéeë verpflichtend ass, Widdersproch aleeën, wann dëse rechtméisseg begrënnt ass.

Wann Dir dës Rechter ausübe wëllt an/oder Abléck an Är Informatioune huele wëllt, kënnt Dir Iech ënner de am Formulaire uginnene Kontaktdonnéeën un déi zoustänneg Verwaltungsautoritéit wenden. Dir hutt ausserdeem d'Méiglechkeet, bei der Nationaler Kommissioun fir den Dateschutz Reklamatioun anzeleeën (Commission nationale pour la protection des données, 1, Avenue du Rock’n’Roll, L-4361 Esch-sur-Alzette).

Veraarbechtunge fir d'Erhiewung vun de Besucherzuelen

Beim Besuch vun der Websäit ginn e puer Donnéeën am Zesummenhang mat der Hardware a Software vum Benotzer erhuewen, déi net zu senger Identifikatioun dénge kënnen. Dës Erhiewung déngt exklusiv dozou, Statistiken iwwer den Opruff vun der Säit (Aart vum Browser, Opléisung, ongeféier Lokalisatioun asw.) ze erfassen, fir de Benotzer de beschtméigleche Service bereetzestellen.

Déi komplett IP-Adress vum Benotzer gëtt op kee Fall gespäichert. Gespäichert gëtt nëmmen en Deel vun der IP-Adress fir d'Erhiewung vun allgemenge Statistiken, an et ass op kee Fall méiglech, de Benotzer z'identifizéieren.

Dës Donnéeë ginn bannent Europa an enger Léisung gespäichert, déi vun engem Zouliwwerer, nämlech der Gesellschaft Google Inc., bereetgestallt gëtt, deen als Zouliwwerer de selwechte gesetzleche Bestëmmunge fir de Schutz vu perséinlechen Donnéeën ënnerläit. Dëst gëllt och fir de Fall vu sou Donnéeën, déi an Zukunft erhuewe ginn.

D'Späicherdauer vun den Donnéeën iwwerschreit net déi néideg Dauer fir d'Beobachtung vun der Entwécklung vun de Besucherzuelen am Hibléck op benotzte Browser, Opléisung oder aner verfügbar statistesch Donnéeën.

Responsabel fir dës Veraarbechtunge ass d'UCClervaux.

Veraarbechtung am Kader vun Online-Ëmfroen

D'Donnéeë vun de Benotzer ginn, ëmmer op fräiwëlleger Basis, nëmmen zum Zweck vun der Duerchféierung vun Ëmfroe fir d'UCClervaux erfaasst. Ausserdeem ginn gläichzäiteg technesch Donnéeë fir d'Moosse vun de Besucherzuelen erhuewen.

D'Dauer vun der Späicherung vun den Donnéeë entsprécht der Dauer vun der Ëmfro, plus e puer Wochen fir d'statistesch Auswäertung vun de Resultater.

D'Prozedure fir d'Duerchféierung vun dësen Ëmfroe erméiglechen keng perséinlech Identifikatioun vun de Benotzer. D'Kombinatioun vun den techneschen Identifikatiounsdonnéeën (IP-Adress oder Informatiounen iwwer de benotzte Browser oder den Endapparat vum Benotzer) an/oder d'Donnéeë aus méi Ëmfroen kënnen net zu hirer Identifikatioun duerch de Zouliwwerer an Bedreiwer vun der Plattform féieren.

Responsabel fir dës Veraarbechtunge ass d'UCClervaux.

Presenz an de soziale Netzwierker

Moderatiounspolitik

All Benotzer, deen der Community vun dëser Internetsäit an de soziale Netzwierker bäitrëtt, verflicht sech, all Form vun Diskriminatioun am Bezuch op Rass, Hautfaarf, Relioun, Geschlecht, sexuell Orientéierung, Alter, Hierkonft, Behënnerung, Persounen- oder Beruffsstand ze ënnerloossen.

Beschimpfungen souwéi rassistesch, sexistesch oder beleidegend Aussoe sinn an de soziale Netzwierker net ubruecht. Si ginn geläscht a gemellt.

Sproochen

An de soziale Netzwierker kommunizéiert dës Internetsäit haaptsächlech op Däitsch an/oder Franséisch. Jee no Situatioun an Zilgrupp kënnen Informatiounen och an den anere Landessproochen (Lëtzebuergesch) verëffentlecht ginn.

Wann et méiglech ass, ginn all Froen/Kommentaren an der Sprooch beäntwert, déi de jeweilege Benotzer benotzt.